👋 Прывітанне, нашыя дарагія падпісчыкі і падпісчыцы, нашыя калегі і нашыя сябры.

Гэта было неверагоднае падарожжа ў будучыню нашай Беларусі. Падарожжа, у якое мы з вамі адправіліся ў студзені сыходзячага года.

За гэты час мы апублікавалі тут сотні пастоў-мараў пра тое, якой мы хочам бачыць будучыню нашай краіны. Пра жывёльны і раслінны свет, пра палі і лясы, гарады і вёскі, пра тое, якой кліматычна нейтральнай будзе нашая прамысловасць, пра нашую зялёную энергетыку, пра ўстойлівае развіццё нашай культуры, мастацтва, адукацыі.

💭Тут мы марылі разам з вамі аб агульным і прыватным. Аб тым, якімі будзем самі і якімі хочам бачыць нашых дзяцей і ўнукаў. Мы прыводзілі прыклады і шукалі класныя практыкі, а калі не знаходзілі, заклікалі штучны інтэлект даць нам парады.
Мы спрабавалі візуалізаваць самыя цікавыя мары. І заклікалі вас прымаць удзел у нашых апытанках. Вы шчодра дзяліліся з намі сваімі думкамі, сваім меркаваннем і сваімі ўяўленнямі пра тое, як мы абавязкова зменім нашую краіну.

Тым не менш, сёння мы ставім аднаўленне гэтага канала на паўзу і сыходзім у творчы адпачынак. І гэта можа падацца сумнай навіной, але…

👩‍👩‍👧‍👧 Але мы такія беларускія летуценнікі, што проста так ужо не спынемся. Тым больш, што альянс «Зялёная Беларусь» толькі пачынае сваю актыўную грамадскую і экспертную дзейнасць. А мы, як вы маглі ўжо здагадацца, – частка гэтага новага экалагічнага руху.

Таму запрашаем вас чытаць наш сайт.

І, галоўнае, падпісвацца на нашыя сацыяльныя сеткі.

У Instagram мы часткова ўжо пачалі пераносіць самы цікавы кантэнт з гэтага ТГ-канала.

А ў TikTok маем для вас зусім іншы фармат, зроблены ў суаўтарстве са штучным інтэлектам.

Далучайцеся да нас і працягвайце марыць. Бо ад мары да рэальнасці – адзін маленечкі крок. І мы абавязкова зробім яго. Таму што бачым, куды хочам ісці.

З любоўю і павагай да кожнага і кожнай з вас,
Таня, Яніна, Ганна, Аліна, Дар’я, Яўген і яшчэ шмат іншых экалагічных журналістаў, актывістаў, экспертаў і вядомых і ня вельмі беларускіх летуценнікаў.

Прывітанне, сябры. 💚💚💚

Не чакалі? А мы нешта засумавалі па вас усіх. І падумалі, што можа варта дадаць трохі жыцця ў гэты канал.

Тым больш, што сапраўдныя мары – не уміраюць, пакуль мы жывыя.

То ў нас да вас пытанне: як глядзіце на тое, каб працягнуць марыць і планаваць зялёнае жыццё нашай Беларусі разам?

🔥 Беларусь крытычна залежыць ад імпарту: цяпло і святло ў дамах, праца заводаў і АЭС — усё гэта трымаецца на расійскім газе і нафце.

Здаецца, што нізкія цэны даюць вялікую эканомію, але якая рэальная цана гэтай стратэгіі?

У гэтым відэа мы разбіраемся:
• Чаму нават запуск БелАЭС не зрабіў Беларусь незалежнай ад імпарту.
• Якая сфера энергетыкі — газ ці нафта — з'яўляецца самым слабым месцам краіны.
• Колькі мільярдаў долараў давядзецца пераплаціць, калі Расія перакрые пастаўкі ці падніме цэны да сусветнага ўзроўню.
• Прыводзім гістарычныя прыклады: як энергетычны крызіс станавіўся інструментам ціску на Літву, Украіну і Малдову.

І даем адказы на пытанне, што трэба зрабіць Беларусі ўжо цяпер (ад запасаў паліва да ўцяплення дамоў), каб пазбегнуць катастрофы і абараніць бюджэт і людзей ад шматмільярдных страт.

Даведайцеся, чаму крызіс — гэта пытанне не «калі», а «калі менавіта». Глядзіце да канца, каб убачыць сігналы пагрозы, якая насоўваецца!

Сістэма жыллёва-камунальнай гаспадаркі (ЖКГ) Беларусі выглядае стабільнай, але насамрэч балансуе на мяжы хранічнага крызісу.

Эксперты Альянсу «Зялёная Беларусь» распавялі пра рызыкі, якія пагражаюць кожнаму гораду — ад Гродна да Капыля. Гэта не проста састарэлыя трубы; гэта ланцуг катастроф, які можа пакінуць вас без вады і цяпла гэтай зімой.

Галоўныя шокі, якія паралізуюць сістэму:

⚡️ Энергетычная катастрофа. Маштабнае адключэнне электрычнасці прывядзе да каскаднага збою (няма святла → няма вады → няма цяпла → няма каналізацыі).

👨‍🔧 Дэфіцыт кадраў. Інжынеры і сантэхнікі звальняюцца. Няма каму рамантаваць аварыі, час рамонту расце, а якасць паслуг падае.

💸 Фінансавая пастка. Сістэма занадта залежыць ад бюджэту і неплацяжоў. Пры гэтым манаполія ў вывазе адходаў не дае стымулу для развіцця.

🧊 Старое абсталяванне vs. Клімат. Зношаныя сеткі не вытрымліваюць экстрэмальных маразоў і ліўняў, а санкцыі перашкаджаюць набыць запчасткі.

Эксперты даказалі: беларуская сістэма ЖКГ не гатовая да сур'ёзных шокаў. Але яны прапанавалі канкрэтны план выратавання: ад абсталявання кацельняў аўтаномнымі генератарамі на 72 гадзіны да павышэння заробкаў для ўтрымання спецыялістаў.

Ці зможа дзяржава паправіць сістэму, пакуль не позна? Глядзіце, каб даведацца, што трэба зрабіць, каб пазбегнуць калапсу ў вашым горадзе.